KAUNAAN NGA ILOCANO A PANAGAKLAS, NAPASAMAK ITI DINGRAS KEN BATAC, Retrato, N.5o

KAUNAAN NGA ILOCANO A PANAGAKLAS, NAPASAMAK ITI DINGRAS KEN BATAC

Retrato, N.5o

[Koleksion Dagiti Nagkauna a Ladawan iti Siudad ti Laoag ken Probinsia iti Ilocos Norte]

KALPASAN ti sangpet ni Juan de Salcedo iti Ilocos Norte, inurnos ti Tingguians dagiti lugar iti likmut ti Dingras ken nangporma ti bassit a grupo ti pagano. Bayat ti kristianismo iti Batac, saan a kinayat dagiti natibo ti nagbuniag ket pimmanawda a napan nagpaeng iti Bantay Cordillera tapno maliklikan ti pannusa ken nadagsen a panagtrabaho nga ipataw dagiti kastila. Saan a makatalna dagiti Tingguians ket masansan a panawanda ti bantay tapno agsubli nga agnaed iti Batac ken kabangibang a lugar.

Inpamaysa dagiti papadi nga Agustino iti panangbalbaliwda kadagiti tribu a pagano iti abagatan a paset ti Ilocos Norte nga inusarda ti Dingras a kas lugar a pagguummongan ken pagkikitaan. Nupay kasta, sinupring latta ti tribu a pagano ti pagayatan dagiti papadi nga Agustino, nagatakeda kadagiti misionario, pinutolanda ti ulo dagiti kristiano. Inbaon ni Gobernador Heneral Santiago de Vera ti manugangna, ni Pedro Chaves, idi 1589 tapno rippuogenna ti puersa dagiti rebelde iti Ilocos Norte. Nabangon ngarud ti maysa a kampo iti Dingras ket nagbalin ti ili a kas visita ti Batac iti dayta a tawen.

Iti laksid ti kaadda ti kampo, inyad-adda dagiti rebelde ti nagatake iti Dingras iti komunidad a paggaaduan ti kristiano. Gapu iti kinakurang ti bilang dagiti soldado, naibabawi ti mision, indaulo ti Dingras ti nagsubli met laeng iti visita ti Batac idi 1603.

.

.

.

.

.

KAUNAAN NGA ILOCANO A PANAGAKLAS, NAPASAMAK ITI DINGRAS KEN BATAC

Retrato, N.5o

[Koleksion Dagiti Nagkauna a Ladawan iti Siudad ti Laoag ken Probinsia iti Ilocos Norte]

Rudy Ram. Rumbaoa

wwwkoleksiondagitinagkaunaaladawan.blogspot.com

#dingras #batac #visita #panagaklas #ilocano #juandesalcedo #tingguians #bantaycordillera #gobernadorheneralsantiagodevera #pedrochaves #ilocosnorte #retrato50 #nagkauna #koleksion #ladawan #rudyramrumbaoa

LAOAG LEPROSARIUM, 1814

LAOAG LEPROSARIUM, 1814

Retrato, N.o2

[Koleksion Dagiti Nagkauna a Ladawan iti Siudad ti Laoag]

TI Laoag Leprosarium ket daan nga ospital a pakatamingan ken pangagasan kadagiti pasient nga addaan sakit a Leprosi [Kukutel, Ketong ken Lepra].

Mapapati a nailitak ti ladawan idi tawen 1814. Awan nadakamat a lugar no sadino ti pakasarakan daytoy nasao nga ospital.

.

.

.

.

.

LAOAG LEPROSARIUM, 1814

Retrato, N.o2

[Koleksion Dagiti Nagkauna a Ladawan iti Siudad ti Laoag]

Rudy Ram. Rumbaoa

wwwkoleksiondagitinagkaunaaladawan.blogspot.com

#laoagleprosarium1814 #leprosarium #leprosi #kukutel #ketong  #lepra  #siudadtilaoag #retrato02 #cityplanninganddevelopmentoffice #koleksion #nagkauna #ladawan #rudyramrumbaoa

[Nabulod t i ladawan a nausar iti City Planning and Development Office]

NINETEEN KOPONG-KOPONG Retrato, N.49

NINETEEN KOPONG-KOPONG

Retrato, N.49

[Koleksion Dagiti Nagkauna a Ladawan iti Siudad ti Laoag ken Pagilian a Filipinas]

NANGRUGI ti nalatak a pagsasao a 'Nineteen Kopong-Kopong' idi tawen 1950's. Ti balikas a 'Kopong' ket  'Daan [Duog] a Filipino.' Mapapati met nga  inusar ti pagilian nga Indonesia idi un-unana a panawen daytoy duog a tagalog a balikas--- a kayatna a sawen 'ibbong [zero].'

Isu a no adda nataengan nga agsao iti daytoy a balikas idi, kayatna a sawen nga addaka pay la iti tawen 1900 wenno ti tartaraudi a tawen ti 19th century, wenno awan pay makita a kinamoderno iti aglawlaw, puro daan ta awan ti radio, telebision, reprigirator ken dadduma pay--- panawen dagiti Filipino a di pay nakarikna wenno nakakita kadagiti kabaroanan a ramit ti teknolohia no di laeng ti aruat a barong ken saya.

.

.

.

.

.

NINETEEN KOPONG-KOPONG

Retrato, N.49

[Koleksion Dagiti Nagkauna a Ladawan iti Siudad ti Laoag ken Pagilian a Filipinas]

Rudy Ram. Rumbaoa

wwwkoleksiondagitinagkaunaaldawan.blogspot.com

#impormatibo #artikulo #nineteenkopongkopong #retrato49 #daan #duog #ibbong #1950 #1900 #filipinas #koleksion #nagkauna #ladawan #rudyramrumbaoa

[Nabulod ti ladawan a nausar iti Pinoy History]

GABALDON LAW Retrato, N.o9

GABALDON LAW

Retrato, N.o9

[Koleksion Dagiti Nagkauna a Ladawan iti Siudad ti Laoag ken Probinsia iti Ilocos Norte]

INLAWLAWAG ni dati nga Assemblyman Isauro Gabaldon ti inesponsoranna a linteg no apay a nabukel ti Act [Aramid] 18o1 nga ad-adda a nalatak nga awagna a "Gabaldon Law."  Ti kangrunaan a gagem ti Gabaldon Law ket tapno maital-o ti edukasion nga agpaay para iti amin---ken mangilawlawag no apay a daytoy a klase ti pasdek "Gabaldon" ket masarakan iti intero a pagilian a Filipinas.

Nairaman iti disenio a masurot ti pannakabangon ti Gabaldon Law iti blueprint-na ti adu a parte wenno paset ti siam a classrooms [kuarto a pagisuroan], biblioteka, property room, ofisina ti prinsipal ken pagguummongan a lugar a makalaon iti uppat a gasut a tattao. Nabangon ti nasao a pasdek iti agarup uppat nga ektaria a daga namulaan ti kayo iti aglawlaw ken naaladan.

Kadagiti kuarto a pagbasaan ti gabaldon Buildings, nagustoan ken naay-ayo dagiti Filipino a nangrikna ti wayawaya a naipaidam kadakuada bayat ti panagsakup dagiti kastila iti pagilian. Addan dagiti Amerikano a nagisuro kadagiti Gabaldon Buildings iti tawen 19o7 ngem nagngudo ti akemda idi 1935 idi sublaten dagiti Filipino a manursuro ti posisionda.

Iti probinsia ti Ilocos Norte, naidukomento nga adda mapattapatta a 12 a Gabaldon schools. Iti laksid a nagbalin dagitoy heritage structures [tawid nga istraktura], dagitoy a Gabaldon schools ti nagbalin a saksi iti lokal ken sabsabali pay nga importante a pakasaritaan ti probinsia--- dagiti eskuela, garison [lugar nga ayan dagiti paltog, soldado ken dadduma pay a ramit ti pakigubat] ken dagiti opisial.

.

.

.

.

.

GABALDON LAW

Retrato, N.o9

[Koleksion Dagiti Nagkauna a Ladawan iti Siudad ti Laoag ken Probinsia iti Ilocos Norte

Rudy Ram. Rumbaoa

wwwkoleksiondagitinagkaunaaladawan.blogspot.com

#gabaldonlaw #assemblyman #isaurogabaldon #act1801 #eskuela #disenio #retrato9 #siudadtilaoag #ilocosnorte #nagkauna #ladawan #rudyramrumbaoa #impormatibo #artikulo

[Nabulod ti ladawan a nausar iti Image & Content]

http://museoilocosnorte.com/.../gabaldon.../nggallery/page/2