RETRATO N.18
[Koleksion Dagiti Nagkauna a Ladawan ti Siudad ti Laoag]
Masarakan ti CARCEL PUBLICA iti amianan ti Laoag City Hall
ken abagatan a laud iti Kapitolio ti Probinsia
ti Ilocos Norte-- a pagopisinaan [nakaibalayan] ti
Regional, City ken Municipal Trial Courts iti agdama.
Maysa laeng a kadsaaran [bilang ti katuon] ngem dakkel
ken nalawa a nasukog ti kuadrado iti tengnga ti pasdek.
Idi nagbayag, nanayonan iti maysa pay a katuon ti pasdek
nga am-ammo ita ti nagan a Marcos Hall of Justice.
Maawagan iti Royal Audiencia ti korte suprema idi
panawen ti Espaniol. Ipanguluan/Idauluan ti maysa
a presidente nga isu ti Gobernador-Heneral ti
Royal Audiencia. Maawagan dagiti miembro ti Korte
Suprema iti Oidores a pakaibilangan ti dua a fiscal--
maysa ti agpaay a mangasikaso ti kaso-kriminal idinto
ti maikadua tamingenna dagiti kaso-pangsibil.
Idi tawen 1893, naestablisar ti territorial audiencia
iti Cebu ken maysa iti Vigan. Ipanguluan met laeng
ti Presidente ken dagiti miembrona a maawagan iti
Associate Justices ti Territorial Audiencia. Ofisial
nga adda iti poder [hurisdiksion] dagitoy nga Associate
Justices mainaig iti panagaramid kadagiti desision
ti mayapela a kaso-kriminal.
Ti Marcos Hall of Justice ti lugar a nangdependaran
ti agtutubo a Ferdinand Marcos ti bagina iti pannakausig
ti nakairamananna a kaso ti Nalundasan murder. Bayat
kaaddana iti pagbaludan, ditoy a nagadal [nagrebiu]
ti preparasionna para iti bar examinations a nakagun-odanna
ti kangatoan a puesto ti grado. Ket kas maysa nga abogado
ken nangiyabogado iti bagbagina, winaswas ti Korte Suprema
ti kaso a nakairamananna gapu't kinakurang ti ebidensia
kontra kenkuana.
.
.
.
.
wwwkoleksiondagitinagkaunaaladawan.blogspot.com
No comments:
Post a Comment