TI LUMLUMNED A TORRE TI PAGKAMPANAAN [SINKING BELLTOWER] NI SAN GUILLERMO
RETRATO N.o7
[Koleksion Dagiti Nagkauna a Ladawan iti Siudad ti Laoag]
Mapattapatta a nabangon ti torre ti pagkampanaan ni San Guillermo idi 17o7 kalpasan ti gingined. Makuna met a nalasatan ti torre dagiti sumagmamano a nakapsut a gingined manipud pannakapatakderna-- ken napagbalin a miembro iti makuna nga "Earthquake Baroque" style, etiketa wenno pagsasao daytoy dagiti eskolar nga arkitekto. Karaman ti sumagmano pay a simbaan iti Filipinas ken ti pagilian a Guatemala iti nasao nga etiketa.
Nabangon ti nasao a torre a pagkampanaan babaen kadagiti mangmangged [artisan] nga Ilocano nga usar dagiti radrilio, molases ken bulbulong nga aggapu iti lokal a mula a maawagan ti "sablot." Agarup 90 metros ti pondasion ken agtayag iti 45 a metro, ken makuna a solido ti istruktura ta ginasgasut a tawenen ti pinalabsanna.
Mapapati a lumned ti torre iti kada pulgada [apagkasangapulo ket dua ti maysa a pie] iti tunggal tawen. Awan sientipiko a makailawlawag kadaytoy a banag, ngem maysa a teoria ti maawat a rason no apay-- nabangon [kano] ti torre iti nadarat a disso ken gapu ti kinadagsen ti istraktura iti makagapu ti in-inut nga ilelennedna.
*[Nabulod dagiti ladawan iti National LIbrary of the Philippines, J. Tewell ken Kinulayang Kasaysayan]
.
.
.
.
.
TI LUMLUMNED A TORRE TI PAGKAMPANAAN [SINKING BELLTOWER] NI SAN GUILLERMO
Retrao N.o7
[Koleksion Dagiti Nagkauna a Ladawan iti Siudad ti Laoag]
Rudy Ram. Rumbaoa
wwwkoleksiondagitinagkaunaaladawan.blogspot.com
No comments:
Post a Comment