NINETEEN KOPONG-KOPONG Retrato, N.49

NINETEEN KOPONG-KOPONG

Retrato, N.49

[Koleksion Dagiti Nagkauna a Ladawan iti Siudad ti Laoag ken Pagilian a Filipinas]

NANGRUGI ti nalatak a pagsasao a 'Nineteen Kopong-Kopong' idi tawen 1950's. Ti balikas a 'Kopong' ket  'Daan [Duog] a Filipino.' Mapapati met nga  inusar ti pagilian nga Indonesia idi un-unana a panawen daytoy duog a tagalog a balikas--- a kayatna a sawen 'ibbong [zero].'

Isu a no adda nataengan nga agsao iti daytoy a balikas idi, kayatna a sawen nga addaka pay la iti tawen 1900 wenno ti tartaraudi a tawen ti 19th century, wenno awan pay makita a kinamoderno iti aglawlaw, puro daan ta awan ti radio, telebision, reprigirator ken dadduma pay--- panawen dagiti Filipino a di pay nakarikna wenno nakakita kadagiti kabaroanan a ramit ti teknolohia no di laeng ti aruat a barong ken saya.

.

.

.

.

.

NINETEEN KOPONG-KOPONG

Retrato, N.49

[Koleksion Dagiti Nagkauna a Ladawan iti Siudad ti Laoag ken Pagilian a Filipinas]

Rudy Ram. Rumbaoa

wwwkoleksiondagitinagkaunaaldawan.blogspot.com

#impormatibo #artikulo #nineteenkopongkopong #retrato49 #daan #duog #ibbong #1950 #1900 #filipinas #koleksion #nagkauna #ladawan #rudyramrumbaoa

[Nabulod ti ladawan a nausar iti Pinoy History]

GABALDON LAW Retrato, N.o9

GABALDON LAW

Retrato, N.o9

[Koleksion Dagiti Nagkauna a Ladawan iti Siudad ti Laoag ken Probinsia iti Ilocos Norte]

INLAWLAWAG ni dati nga Assemblyman Isauro Gabaldon ti inesponsoranna a linteg no apay a nabukel ti Act [Aramid] 18o1 nga ad-adda a nalatak nga awagna a "Gabaldon Law."  Ti kangrunaan a gagem ti Gabaldon Law ket tapno maital-o ti edukasion nga agpaay para iti amin---ken mangilawlawag no apay a daytoy a klase ti pasdek "Gabaldon" ket masarakan iti intero a pagilian a Filipinas.

Nairaman iti disenio a masurot ti pannakabangon ti Gabaldon Law iti blueprint-na ti adu a parte wenno paset ti siam a classrooms [kuarto a pagisuroan], biblioteka, property room, ofisina ti prinsipal ken pagguummongan a lugar a makalaon iti uppat a gasut a tattao. Nabangon ti nasao a pasdek iti agarup uppat nga ektaria a daga namulaan ti kayo iti aglawlaw ken naaladan.

Kadagiti kuarto a pagbasaan ti gabaldon Buildings, nagustoan ken naay-ayo dagiti Filipino a nangrikna ti wayawaya a naipaidam kadakuada bayat ti panagsakup dagiti kastila iti pagilian. Addan dagiti Amerikano a nagisuro kadagiti Gabaldon Buildings iti tawen 19o7 ngem nagngudo ti akemda idi 1935 idi sublaten dagiti Filipino a manursuro ti posisionda.

Iti probinsia ti Ilocos Norte, naidukomento nga adda mapattapatta a 12 a Gabaldon schools. Iti laksid a nagbalin dagitoy heritage structures [tawid nga istraktura], dagitoy a Gabaldon schools ti nagbalin a saksi iti lokal ken sabsabali pay nga importante a pakasaritaan ti probinsia--- dagiti eskuela, garison [lugar nga ayan dagiti paltog, soldado ken dadduma pay a ramit ti pakigubat] ken dagiti opisial.

.

.

.

.

.

GABALDON LAW

Retrato, N.o9

[Koleksion Dagiti Nagkauna a Ladawan iti Siudad ti Laoag ken Probinsia iti Ilocos Norte

Rudy Ram. Rumbaoa

wwwkoleksiondagitinagkaunaaladawan.blogspot.com

#gabaldonlaw #assemblyman #isaurogabaldon #act1801 #eskuela #disenio #retrato9 #siudadtilaoag #ilocosnorte #nagkauna #ladawan #rudyramrumbaoa #impormatibo #artikulo

[Nabulod ti ladawan a nausar iti Image & Content]

http://museoilocosnorte.com/.../gabaldon.../nggallery/page/2

MONUMENTO TI MONOPOLIO ITI TABAKO

MONUMENTO TI MONOPOLIO ITI TABAKO

Retrato, N.48

[Koleksion Dagiti Nagkauna a Ladawan iti Siudad ti Laoag]

TI radrilio nga obelisko a monumento ti pannakaipasardeng ti monopolio iti tabako a nabangon iti tengnga ti Parke ni Aurora, Siudad ti Laoag.

.

.

.

.

.

MONUMENTO TI MONOPOLIO ITI TABAKO

Retrato, N.48

[Koleksion Dagiti Nagkauna a Ladawan iti Siudad ti Laoag]

Rudy Ram. Rumbaoa

wwwkoleksiondagitinagkaunaaldawan.blogspot.com

#monumento #monopolioititabako #retrato #siudadtilaoag #parkeniaruroa #obelisko #radrilio #koleksion #nagkauna #ladawan #rudyramrumbaoa

[Nabulod ti ladawan a nausar]

KAYATMO KADI ITI MAAWAGAN TI "JUNE BRIDE?"

KAYATMO KADI  ITI MAAWAGAN TI "JUNE BRIDE?"

Retrato, N.47

[Koleksion Dagiti Nagkauna a Ladawan iti Siudad ti Laoag ken Probinsia iti Ilocos Norte]

KADAGITI agplamplano nga agkasar, maikasar, agasawa, mangasawa wenno paasawa a babbai-- balasang wenno nalasang man, balo, single wenno double no kayatda ti makakamakam ita a bulan ti Hunio a maawagan iti "JUNE BRIDES," adda innem a simbaan iti Ilocos Norte [no ditoy man ti kayatda a pakaangayan ti seremonia] a mairekomendar dagiti eksperto a pangibaliksan iti "I DO."

Sigurado nga agbalinto a nakalalagip daytoy a lugar para kadakayo.

Dagitoy dagiti simbaan ti St. Augustine wenno ti nalatak nga awagna a "Paoay Church, Paoay; ti St. Andrew The Apostle Church ti Bacarra; ti St. Joseph Church iti Dingras; ti Sta. Monica Church, Sarrat; ti St. William's The Hermit Cathedral, Siudad iti Laoag; ken ti St. John The Baptist Church, Badoc, Ilocos Norte.

.

.

.

.

.

KAYATMO KADI  ITI MAAWAGAN TI "JUNE BRIDE?"

Retrato, N.47

[Koleksion Dagiti Nagkauna a Ladawan iti Siudad ti Laoag ken Probinsia iti Ilocos Norte]

Rudy Ram. Rumbaoa

wwwkoleksiondagitinagkaunaaldawan.blogspot.com

#junebride #agasawa #maikasar #paikasar #maikasar #siudadtilaoag #ilocosnorte #StAugustineChurch #StAndrewTheApostle #StJosephChurch #StaMonicaChurch #StWilliamTheHermitCathdral #StJohnTHeBaptistChurch #paoay #bacarra #dingras #sarrat #badoc

[Nabulod dagiti ladawan a nausar]

Ti Kari

TI KARI

Retrato, N.46

[Koleksion Dagiti Nagkauna a Ladawan iti Siudad ti Laoag]

NATILIWANKA met laeng sika a pito ti marisna a nagarko iti tangatang . Makita iti baba ti nalatak a lumlumned a torre ti pagkampanaan ni San Guillermno iti Siudad.

Sika kadi ti ur-urayenmi? Ti namnama? Ti kari?

.

.

.

.

.

TI KARI

Retrato, N.46

[Koleksion Dagiti Nagkauna a Ladawan iti Siudad ti Laoag

Rudy Ram. Rumbaoa

wwwkoleksiondagitinagkaunaaldawan.blogspot.com

#kari #namnama #retrato #pito #maris #nagarko #bullalayaw #ballaibo #torre #pagkampanaan #sanguillermo #siudadtilaoag #koleksion #nagkauna #ladawan #rudyramrumbaoa

[Nabulod ti ladawan a nausar]

TI ARKO ITI SURNADAN TI RANGTAY NI GILBERT

TI ARKO ITI SURNADAN TI RANGTAY NI GILBERT

Retrato, N.45

[Koleksion Dagiti Nagkauna a Ladawan iti Siudad ti Laoag]

TI daan a sika, ngem kitaem, nakalawlawagka itan. Nagadun ti nagluposam kalpasan ti adu a tawen a nagtalinaedka iti kasipngetan. Nakalaw-LAOAG-kan, ili a nakayanakan, dimmakkelan ken nakamulian iti adu nga arapaap.

.

.

.

.

.

TI ARKO ITI SURNADAN TI RANGTAY NI GILBERT

Retrato, N.45

[Koleksion Dagiti Nagkauna a Ladawan iti Siudad ti Laoag]

Rudy Ram. Rumbaoa

wwwkoleksiondagitinagkaunaaldawan.blogspot.com

#arko #daan #baro #langa #nalawag #nagluposan #nakayanakan #dimmakkelan #nakamulian #arapaap #koleksion #nagkauna #ladawan #retrato #45 #rudyramrumbaoa

[Nabulod dagiti ladawan a nausar]

TORRE A PAGKAMPANAAN TI BACARRA CHURCH

TORRE A PAGKAMPANAAN TI BACARRA CHURCH

Retrato, N.31

[Koleksion Dagiti Nagkauna a Ladawan iti Siudad ti Laoag ken Probinsia iti Ilocos Norte

DAGITI duog ken agdama a ladawan ti torre a pagkampanaan iti simbaan ti St. Andrew The Apostle Parish, wenno ti nalatak nga awagna a Bacarra Church, Bacarra, Ilocos Norte.

Nabangon ti simbaan idi 1593 babaen kadagiti praile nga Agustino [Augustine Friars] ken indeklara ti National Historical Commission of the Philippines [NHCP] ken National Cultural Treasure by the National Museum of the Philippines [NMP] a kas National Historical Landmark.

Naawagan pay ti torre a kas "Acrobatic Bell Tower of Bacarra."

.

.

.

.

.

TORRE A PAGKAMPANAAN TI BACARRA CHURCH

Retrato, N.31

[Koleksion Dagiti Nagkauna a Ladawan iti Siudad ti Laoag ken Probinsia iti Ilocos Norte

Rudy Ram. Rumbaoa

wwwkoleksiondagitinagkaunaaladawan.blogspot.com

#torre #pagkampanaan #BacarraChurch #StAndrewChurch #acrobaticbelltower #nationalhistoricalcommissionofthephilippines #augustinefriars #nationalculturaltreasure #nationalmuseumofthephilippines #koleksion #nagkauna #ladawan #retrato #31 #rudyramrumbaoa

[Nabulod dagiti ladawan a nausar ken ni Francis Pascua Cabuyaban]

TORRE A PAGBANTAYAN ITI GABU KEN LA PAZ [Pagbantayan Idi Panawen ti Kastila] Retrato, N.21

TORRE A PAGBANTAYAN ITI GABU KEN LA PAZ

[Pagbantayan Idi Panawen ti Kastila]

Retrato, N.21

[Koleksion Dagiti Nagkauna a Ladawan iti Siudad ti Laoag]

TI Ilocos Norte ti maudi a probinsia iti Rehion ti Ilocos a pagdaliasatan nga agturong iti amianan a laud a paset ti pagilian. Iti datos a naidukomento, addaan ti probinsia iti innem a torre a pagbantayan ken nabigbig dagitoy a kas nailian a tawid ken kinabaknang.

Nangted dagitoy a torre kadagiti nakadiskobre iti dua a kapanunotan ken panagamiris: Umuna, maipada daytoy kadagiti sabsabali pay nga immun-una a nadiskobre a nabangon a torre --- a nabangon iti lugar nga adayo ti baybay; ken Maikadua, importante ti torre gapu ti kaasidegna iti puyupoyan ken nagserbi a pagbantayan ken mangwanawan/mangkita ti aktibidad iti bunganga ti Karayan Padsan a kangrunaan a nawaya a pagdaliasatan iti naglabas a panawen. Saan a mailibak a daytoy a torre a pagbantayan ket adda bukodna a guardia a mangkita ti kangrunaan a pagserkan.

Maibilang daytoy a paset ti baybay iti amianan q daladal dagiti pirata nga agraut ti galeon [ti barko a paglayag a pangkomersial] idi un-unana a panawen ti panagnegosio isu  a mapapati a nabangon dagiti torre iti siudad.

Ti ebidensia a kaadda ti "torre a pagbantayan" ti mangiladawan iti kinaimportansia a maproteharan ken masalakniban ti ili [saan pay a siudad idi] in kaso nga adda mapasamak a panagraut iti Laoag.

Sabali laeng ti estoria dagiti nagkauna a nagnaed iti siudad a kunada: Adda bukodna a barangay ti naporma a sand dunes ti La Paz a naawagan iti "torre."

Kinaagpaysuananna, adda pay sabali a torre a nabangon iti kasumbangir a bunganga ti Karayan Padsan. Patien pay dagiti nakadiskobre kadagitoy a dua ti nabangon a torre iti kangrunaan a pagserkan ti Laoag idi a kas met ti nabangon a kaadda ti pantalan iti Currimao, Ilocos Norte ken Romblon iti Probinsia ti Romblon idi panawen ti panagsakup ti kastila iti pagilian. Daksanggasat ta dagiti nabatbati pay a paset ti instraktura ket pinisangen ti daga.

Idi agdama, makita pay laeng ti sumagmamano a radrilio a naiwara iti daga a mapapati a nagtakderan ti nasao a torre--- a mangpankenke ken ebidensia a nabangon ti maysa a "torre a pagbantayan" idi un-unana a panawen iti ili ti Laoag a napagbalin a siudad ita.

.

.

.

.

.

TORRE A PAGBANTAYAN ITI GABU KEN LA PAZ

[Pagbantayan Idi Panawen ti Kastila]

Retrato, N.21

[Koleksion Dagiti Nagkauna a Ladawan iti Siudad ti Laoag

Rudy Ram. Rumbaoa

wwwkoleksiondagitinagkaunaaladawan.blogspot.com

#torre #pagbantayan #barangaygabu #barangaylapaz #panawen #kastila #siudadtilaoag #karayanpadsan #puyupoyan #baybay #pirata #proteharan #salakniban #galeon #sanddunes #currimao #ilocosnorte #romblon #koleksion #nagkauna #ladawan #retrato #rudyramrumbaoa

[Nabulod ti ladawan a nausar ken ni Bernard Joseph Esposo Guererro]

LAOAG CITY PUBLIC MARKET AND COMMERCIAL COMPLEX [Laoag City Market] Retrato, N.29 [Koleksion Dagiti Nagkauna a Ladawan iti Siudad ti Laoag]

LAOAG CITY PUBLIC MARKET AND COMMERCIAL COMPLEX 

[Laoag City Market]

Retrato, N.29

[Koleksion Dagiti Nagkauna a Ladawan iti Siudad ti Laoag]

MASARAKAN ti Laoag City Public Market and Commercial Complex, wenno ti nalatlatak nga awagna a Tiendaan ti Laoag, iti J. P. Rizal, Don Villanueva, Abadilla ken F. R.Castro Streets iti sentro ti komersio ti siudad. Naibalay iti nasao a commercial complex dagiti nagduduma ti klasena a magatang a kas ti dry-goods, kitchenwares, glasswares, bado, meat goods, fish goods, pasalubong, mula, makan, kdpy.

Iti basement [baba a paset ti tiendaan] daytoy tallo kadsaaran a tiendaan ti Laoag, masarakan ditoy dagiti lako a local handicrafts, natibo a mula a produkto a kas ti bawang, niog, sibuyas, nagduduma ti klasena a nateng ken uray pay ti suka ti iloco.

Iti maikadua a kadsaaran ti nakaipuestoan ti wet ken meat section. Magatang ditoy dagiti nagduduma ti klasena a lames a naggapu iti taaw ken karayan, dagiti kapparti a dingnguen a kas ti baboy, baka, nuang ken dadduma pay.

No agsapsapul met iti souvenir items a para sarabo, makita ti lokasionna iti amianan a paset ken ruar ti pasdek ti tiendaan. Magatang ditoy dagiti paborito nga Ilocano chips a kas ti Chiphapop, Chicharon, Camote Chips, Cornik ken sabsabali pay a lokal nga aramid ken produkto ni Ilokano.

.

.

.

.

.

LAOAG CITY PUBLIC MARKET AND COMMERCIAL COMPLEX 

[Laoag City Market]

Retrato, N.29

[Koleksion Dagiti Nagkauna a Ladawan iti Siudad ti Laoag]

Rudy Ram. Rumbaoa

wwwkoleksiondagitinagkaunaaladawan.blogspot.com

#siudadtilaoag #tiendaantilaoag #commercial #complex #magatang #nagduduma #klase #ilocosnorte #sentro #komersio #koleksion #nagkauna #ladawan #retrato29 #rudyramrumbaoa

[Nabulod dagiti ladawan a nausar]

Ti Fontana

TI FONTANA

Retrato, N.44

[Koleksion Dagiti Nagkauna a Ladawan iti Siudad ti Laoag]

NAGPINTAS man a buyaen panagtennag ti danum iti  fontana. Ngem ammom kadi no sadino ti ayan daytoy a fontana, ka-Siusiudano? Malaksid ngatan no awanen ti nasao a fontana iti orihinal a puestona.

Makita iti likudan ti fontana ti nalatak a lumlumned a torre ti pagkampanaan ni San Guillermo.

.

.

.

.

.

TI FONTANA

Retrato, N.44

[Koleksion Dagiti Nagkauna a Ladawan iti Siudad ti Laoag]

Rudy Ram. Rumbaoa

wwwkoleksiondagitinagkaunaaldawan.blogspot.com

#fontana #retrato44 #siudano #torre #pagkampanaan #lumlumned #sanguillermo #koleksion #nagkauna #ladawan #siudadtilaoag #rudyramrumbaoa

[Nagbulod ti ladawan a nausar ken ni Edison Adzuara]

DAGITI TURTUROD A DARAT A PINORMA TI ANGIN ITI LAOAG [Laoag Sand Dunes] Retrato, N.19 [Koleksion Dagiti Nagkauna a Ladawan iti Siudad ti Laoag]

DAGITI TURTUROD A DARAT A PINORMA TI ANGIN ITI LAOAG

[Laoag Sand Dunes]

Retrato, N.19

[Koleksion Dagiti Nagkauna a Ladawan iti Siudad ti Laoag]

NALATAK ti naganna a sand dunes ken maibilang a maysa kadagiti kangrunaan a tourist spots iti Laoag a masansan a pasiaren ken pagpalpallailangan dagiti lokal ken gangannaet a turista.

Agarup [pattapatta] nga agatiddog ti nayaplag a darat iti walopulo ket lima a kuadrado kilometro iti asideg ti baybay/kosteras ti nasao a lugar. Segun ti nagkauna a pakasaritaan dagiti pumurok, napanaganan ti Laoag Sand Dunes manipud iti nagan a Bantay Bimmaboy gapu ti sukogna a maipada iti maysa a baboy.

Malaksid kadayta, maawagan pay ti "Desert of the North" gapu ti kinalatakna no maipanggep ti lokasion iti pagaramidan [pagsiutingan] iti pelikula nga agpadpada nga am-ammo iti uneg ken ruar ti pagilian. Masarakan ti sand dunes iti asideg ti baybay ti Barangay La Paz nga isu

ti nakaipanaganan dagiti turturod a darat iti agdama.

Karaman ti Laoag Sand Dunes iti makuna a paset ti Ilocos Norte Sand Dunes [INSD] nga umabot kaadayona agingga iti ili ti Currimao iti abagatan, amianan ti Laoag agingga iti Pasuquin.

Binigbig ti National Committee on Geological Sciences [NCGS] idi Nobiembre 26, 1993 ti INSD a kas maysa nga National Geological Monuments, wenno maysa kadagiti importante a naporma a geyolohika [significant geological formations] iti pagilian a Filipinas. Binangon ti NCGS ti maysa a marker iti Barangay Calayab iti Siudad ti Laoag a pangbigbig

ti naisangsangayan [uniko] a kadaratan ti ambiente [wenno aglawlaw] iti pagilian ken ti sientipiko a pategna iti edukasion nga itedna.

Napaadda dagiti nasao a turod a darat babaen ti panangporma iti angin, ti puersa ti baybay ken karayan a nagparnuay iti panagreggaay ken deposision. Agdepende ti kadakkel wenno kabassit dagiti naporma a darat babaen ti bilang ti faktor/makagapu karaman iti agdama a kondision/sasaaden ti panawen, nakaisigudan a pul-oy ti angin, bilang

ti ared-ed/alinsaed ken klase ti panagdakkel dagiti mula iti nasao a lugar.

Direkta a nakasango dagitoy naporma a turturod a darat iti baybay ti South China Sea. Mapapati nga agtayag dagiti dadduma a protektado ti INSD a naporma a turturod iti nobenta metro ti kangato.

.

.

.

.

.

DAGITI TURTUROD A DARAT A PINORMA TI ANGIN ITI LAOAG

[Laoag Sand Dunes]

Retrato, N.19

[Koleksion Dagiti Nagkauna a Ladawan ti Siudad ti Laoag]

Rudy Ram. Rumbaoa

wwwkoleksiondagitinagkaundaaladawan.blogspot.com

#turturod #darat #naporma #angin #laoagsanddunes #bantaybimmaboy #desertofthenorth #barangaylapaz #ilocosnortesanddunes #currimao #pasuquin #nationalcommitteeongeologicalsciences #nationalgeologicalmonuments #barangaycalayab #southchinasea #siudadtilaoag #ilocosnorte #koleksion #nagkauna #ladawan #retrato19 #rudyramrumbaoa

[Nabulod dagiti ladawan a nausar]