Ti Fontana

TI FONTANA

Retrato, N.44

[Koleksion Dagiti Nagkauna a Ladawan iti Siudad ti Laoag]

NAGPINTAS man a buyaen panagtennag ti danum iti  fontana. Ngem ammom kadi no sadino ti ayan daytoy a fontana, ka-Siusiudano? Malaksid ngatan no awanen ti nasao a fontana iti orihinal a puestona.

Makita iti likudan ti fontana ti nalatak a lumlumned a torre ti pagkampanaan ni San Guillermo.

.

.

.

.

.

TI FONTANA

Retrato, N.44

[Koleksion Dagiti Nagkauna a Ladawan iti Siudad ti Laoag]

Rudy Ram. Rumbaoa

wwwkoleksiondagitinagkaunaaldawan.blogspot.com

#fontana #retrato44 #siudano #torre #pagkampanaan #lumlumned #sanguillermo #koleksion #nagkauna #ladawan #siudadtilaoag #rudyramrumbaoa

[Nagbulod ti ladawan a nausar ken ni Edison Adzuara]

DAGITI TURTUROD A DARAT A PINORMA TI ANGIN ITI LAOAG [Laoag Sand Dunes] Retrato, N.19 [Koleksion Dagiti Nagkauna a Ladawan iti Siudad ti Laoag]

DAGITI TURTUROD A DARAT A PINORMA TI ANGIN ITI LAOAG

[Laoag Sand Dunes]

Retrato, N.19

[Koleksion Dagiti Nagkauna a Ladawan iti Siudad ti Laoag]

NALATAK ti naganna a sand dunes ken maibilang a maysa kadagiti kangrunaan a tourist spots iti Laoag a masansan a pasiaren ken pagpalpallailangan dagiti lokal ken gangannaet a turista.

Agarup [pattapatta] nga agatiddog ti nayaplag a darat iti walopulo ket lima a kuadrado kilometro iti asideg ti baybay/kosteras ti nasao a lugar. Segun ti nagkauna a pakasaritaan dagiti pumurok, napanaganan ti Laoag Sand Dunes manipud iti nagan a Bantay Bimmaboy gapu ti sukogna a maipada iti maysa a baboy.

Malaksid kadayta, maawagan pay ti "Desert of the North" gapu ti kinalatakna no maipanggep ti lokasion iti pagaramidan [pagsiutingan] iti pelikula nga agpadpada nga am-ammo iti uneg ken ruar ti pagilian. Masarakan ti sand dunes iti asideg ti baybay ti Barangay La Paz nga isu

ti nakaipanaganan dagiti turturod a darat iti agdama.

Karaman ti Laoag Sand Dunes iti makuna a paset ti Ilocos Norte Sand Dunes [INSD] nga umabot kaadayona agingga iti ili ti Currimao iti abagatan, amianan ti Laoag agingga iti Pasuquin.

Binigbig ti National Committee on Geological Sciences [NCGS] idi Nobiembre 26, 1993 ti INSD a kas maysa nga National Geological Monuments, wenno maysa kadagiti importante a naporma a geyolohika [significant geological formations] iti pagilian a Filipinas. Binangon ti NCGS ti maysa a marker iti Barangay Calayab iti Siudad ti Laoag a pangbigbig

ti naisangsangayan [uniko] a kadaratan ti ambiente [wenno aglawlaw] iti pagilian ken ti sientipiko a pategna iti edukasion nga itedna.

Napaadda dagiti nasao a turod a darat babaen ti panangporma iti angin, ti puersa ti baybay ken karayan a nagparnuay iti panagreggaay ken deposision. Agdepende ti kadakkel wenno kabassit dagiti naporma a darat babaen ti bilang ti faktor/makagapu karaman iti agdama a kondision/sasaaden ti panawen, nakaisigudan a pul-oy ti angin, bilang

ti ared-ed/alinsaed ken klase ti panagdakkel dagiti mula iti nasao a lugar.

Direkta a nakasango dagitoy naporma a turturod a darat iti baybay ti South China Sea. Mapapati nga agtayag dagiti dadduma a protektado ti INSD a naporma a turturod iti nobenta metro ti kangato.

.

.

.

.

.

DAGITI TURTUROD A DARAT A PINORMA TI ANGIN ITI LAOAG

[Laoag Sand Dunes]

Retrato, N.19

[Koleksion Dagiti Nagkauna a Ladawan ti Siudad ti Laoag]

Rudy Ram. Rumbaoa

wwwkoleksiondagitinagkaundaaladawan.blogspot.com

#turturod #darat #naporma #angin #laoagsanddunes #bantaybimmaboy #desertofthenorth #barangaylapaz #ilocosnortesanddunes #currimao #pasuquin #nationalcommitteeongeologicalsciences #nationalgeologicalmonuments #barangaycalayab #southchinasea #siudadtilaoag #ilocosnorte #koleksion #nagkauna #ladawan #retrato19 #rudyramrumbaoa

[Nabulod dagiti ladawan a nausar]

TI LUMLUMNED A TORRE TI PAGKAMPANAAN

TI LUMLUMNED A TORRE TI PAGKAMPANAAN

Retrato, N.43

[Koleksion Dagiti Nagkauna a Ladawan iti Siudad ti Laoag]

AH, uray sika, kailiwka met a makita manen. Kaano aya daydi naudi nga iyuumayko nagtakder iti sakaanam ken tinangadko ti sibubukel a pakabuklam? Sangapulo ket pito gayamen a tawen ti napalabas, piman.

Ala wen, addanto latta manen gundaway nga agkitata.

.

.

.

.

.

TI LUMLUMNED A TORRE TI PAGKAMPANAAN

[Ti Simbaan ni San Guillermo]

Retrato, N.43

[Koleksion Dagiti Nagkauna a Ladawan iti Siudad ti Laoag

Rudy Ram. Rumbaoa

wwwkoleksiondagitinagkaunaaladawan.blogspot.com

#lumlumned #torre #pagkampanaan #simbaan #sanguillermo #siudadtilaoag #iliw #makita #pakasaritaan #koleksion #nagkauna #ladawan #rudyramrumbaoa

[Nabulod ti ladawan a nausar]

PALACIO DEL GOBERNADOR Retrato, N.16 [Koleksion Dagiti Nagkauna a Ladawan iti Siudad ti Laoag]

PALACIO DEL GOBERNADOR

Retrato, N.16

[Koleksion Dagiti Nagkauna a Ladawan iti Siudad ti  Laoag]

TI Palacio Del Gobernador ti pagnaedan ken pagopisinaan dagiti gobernador sibil iti Ilocos Norte.

Makita ti dakkel a grandioso a pasdek [pondasion] iti akin-amianan a sikigan ti plaza. Dua ti pagserkan iti pasdek, maysa iti laud ken maikadua iti daya a paset ti nakaipatakderan ti kiosko wenno bassit a pagtagilakuan s sumango iti amianan.

Daytoy a pasdek ti nagserbi nga opisina ti Gobernador Sibil, sekretario, pagopisinaan dagiti lokal  a sanga ti gobierno karaman ti Oficina de Haciendas, lugar a pagidulinan iti kinabaknang ken rekursos [treasury] ken guardia sibil.

Idi tawen 1918, nasuktan ken nabaliwan iti neoklasiko a disenio ti pasdek.

Iti agdama, napapintas, naipalawa ken nanayonan iti likud. Napatakderan pay iti pannaka-"dome" iti likud ti pasdek. Karaman ti pasdek iti 'Project 3' iti Probinsia ti Ilocos Norte.

Ti nasao a pasdek ket isu ti agdama nga Ilocos Norte Provincial Capitol iti Siudad ti Laoag.

.

.

.

.

.

PALACIO DEL GOBERNADOR

Retrato, N.16

[Koleksion Dagiti Nagkauna a Ladawan iti Siudad ti Laoag]

Rudy Ram. Rumbaoa

wwwkoleksiondagitinagkaunaaldawan.blogspot.com

#palaciodelgobernador #ilocosnorteprovincialcapitol #ilocosnorte #siudadtilaoag #gobernadorsibil #oficinadehaciendas #guardiasibil #pagidulinan #kinabaknang #rekursos #project3 #neoklasioko #ericsonjosue #koleksion #nagkauna #ladawan #retrato16 #rudyramrumbaoa

[Nabulod ti ladawan a nausar ken ni Rev. Ericson M. Josue]

ILOCOS NORTE HEROES MEMORIAL [INHM] HALL wenno ti nalatak nga awagna a "HEROES HALL"

ILOCOS NORTE HEROES MEMORIAL [INHM] HALL

wenno ti nalatak nga awagna a "HEROES HALL"

Retrato, N.28

[Koleksion Dagiti Nagkauna a Ladawan iti Siudad ti Laoag]

MAYSA kadagiti naimballigian unay a napasamak iti probinsia idi nasapa a tawen ti 1970’s ket ti pannakabangon ti Ilocos Norte Heroes Memorial [INHM] Hall, wenno ti nalatlatak nga awagna a “HEROES HALL” iti sentro ti Siudad ti Laoag. Masarakan daytoy a pasdek iti asideg ti Laoag City Plaza [wenno Aurora Park ita], Marcos Hall of Justice, Laoag Central School, torre ti pagkampanaan ni San Guillermo, dagiti simbaan ti Katoliko Romano ken Aglipayano, City Hall ti Laoag ken Kapitolio ti Probinsia iti Ilocos Norte. Dati pay a naawagan ti nasao a pasdek iti “Ablan Heroes Memorial Hall.” Immabot iti tallopulo ket tallo tawen ti konstuksion sakbay a nalpas ti nasao a pasdek.

Naisangsangayan ti kontribusion ti pasdek iti pakasaritaan ti probinsia ti lugar a nagtakderan ti Heroes Hall iti agdama. Dakkel nga espasio ti nasao a lugar a nagserbi a pakaangayan dagiti sosial, kultural ken politika a parambak kas iti civic-military parades, pasala, demonstrasion ti paay-ayam, trade fairs, political rallies, evening dances, coronation rites ken pagpabuyaan iti karnibal.

Nabangon ti Gabaldon a disenio ken klasena a pasdek iti Laoag Central School idi tawen 1929, nagtalinaed ti nasao a lugar a silulukat kadagiti amin a maangay a parambak agingga a narugian ti pannakabangon ti pasdek kalpasan ti Maikadua a Gubat iti Sangalubongan.

Narugian ti konstruksion ti Ablan Heroes’ Memorial Hall iti panawen ti panagtugaw ni Diputado Dr. Damaso T. Samonte iti Umuna a Distrito ti Ilocos Norte, 1946-1949. Ngem daksanggasat ta napasardeng ti proyekto gapu iti panagkurang ti pundo a nausar. Nupay kasta gapu iti singasing wenno mosion ni Gobernador Elizabeth Marcos-Keon, agdama a gobernador idi, inaprobaran ti provincial board iti Ilocos Norte ti 1971 resolution no. 48 a P10,000.00 manipud iti Roads and Bridges Fund ti probinsia tapno maileppas ti Ablan Heroes Memorial Hall. Nagtultuloy ti panagdur-as ti konstruksion agingga iti tawen 1974. Iti napintas a panangidaulo ni Gob. Marcos-Keon ti probinsia, nabaliwan ti Ablan Heroes’ Memorial Hall iti Ilocos Norte Memorial Hall [INMH] a naidedikar ken naisagut kadagiti amin a bannuar ti Ilocos Norte.

Naawagan pay ti pasdek a maysa kadagiti kapintasan nga architectural marvel ken simbolo iti progreso ti probinsia.

Ti Heroes Hall ket 4-storey building. No addaka iti ngato [rooftop] a paset ti pasdek, nalawag a matannawagan ken makita iti baba ti Karayan Padsan ken intero a pakabuklan ti Gilbert Bridge [Marcos Bridge itan].

Dramatiko ti karakter a buya ti INMH ta nausar ti columns ken arc-window a disenio a maitulad kadagiti pasdek iti Amerika.

Iti agdama, inukoparan ken paglakuan ti SM Hypermarket a kukua ti SM Prime Holdings nga idauluan ni Henry Sy, Sr., pondador ti SM Supermalls.

.

.

.

.

.

ILOCOS NORTE HEROES MEMORIAL [INHM] HALL wenno ti nalatak nga awagna a "HEROES HALL"

RETRATO N.28

[Koleksion Dagiti Nagkauna a Ladawan iti Siudad ti Laoag]

Rudy Ram. Rumbaoa

wwwkoleksiondagitinagkaunaaladawan.blogspot.com

#ilocosnorteheroesmemorialhall #heroeshall #ablanheroesmemorialhall #laoagcity #ilocosnorte #pakasaritaan #smhypermarket #gabaldonadisenio #damasotsamonte #elizabethmarcoskeon #koleksion #nagkauna #ladawan #rudyramrumbaoa

*Nabulod dagiti ladawan a nausar iti PGIN CMO

MAYSAKA Laengen a Lagip

MAYSAKA laengen a lagip

Sika a Monumento ti Monopolio iti Tabako

Sika ti gameng ti kalman

ngem kas man awan serbim

iti agdama a henerasion

ta dida ammo ti pudno a pakasaritaam...

*Karaman iti ladawan ti nalatak a lumlumned a torre ti pagkampanaan

ni San Guillermo, Siudad ti Laoag]

.

.

.

.

.

MAYSAKA Laengen a Lagip

Retrato, N.42

[Koleksion Dagiti Nagkauna a Ladawan iti Siudad ti Laoag]

Rudy Ram. Rumbaoa

wwwkoleksiondagitinagkaunaaladawan.blogspot.com

#lagip #monumento #monopolio #tabako #gameng #kalman #henerasion #pudno #pakasaritaan #siudadtilaoag #koleksion #ladawan #nagkauna

#retrato #rudyramrumbaoa

[Nabulod ti ladawan a nausar]

Rekuerdo: ILIWKO KENKA

Rekuerdo:

ILIWKO KENKA

Retrato, N.41

[Koleksion dagiti Nagkauna a Ladawan iti Siudad ti Laoag]

NAGKITA, nagsabat dalanta---

ngem iti laeng ladawan

Anian nga iliwko kenka

a makakita iti nagbanagam,

naglawa ket ngaminen

nagbaetanta a taaw...

.

.

.

.

.

Rekuerdo:

ILIWKO KENKA

Retrato, N.41

[Koleksion Dagiti Nagkauna a Ladawan iti Siudad ti Laoag]

Rudy Ram. Rumbaoa

wwwkoleksiondagitinagkaunaaladawan.blogspot.com

#rekuerdo #siudadtilaoag #iliw #nakita #nagsabat #nagbanagam #naglawa #nagbaetan #taaw #koleksion #nagkauna #ladawan #rudyramrumbaoa

[Nabulod ti ladawan a nausar]

Taldiap: NOSTALGIA, 2o14

Taldiap:
NOSTALGIA, 2o14
Retrato, N. 4o
[Koleksion Dagiti Nagkauna a Ladawan iti Siudad ti Laoag]


TI duog a ladawan ti parke ni Aurora ken Monumento ti Monopolio iti Tabako. Nostalgia, 2o14, Siudad ti Laoag.
.
.
.
.
.
Taldiap:
NOSTALGIA, 2o14
Retrato, N. 4o
[Koleksion Dagiti Nagkauna a Ladawan iti Siudad ti Laoag]
Rudy Ram. Rumbaoa
wwwkoleksiondagitinagkaunaaladawan.blogspot.com

#taldiap #nostalgia #duog #parke #aurora #monumento #monopolio #tabako

#laoagcity #ilocosnorte #koleksion #kadaanan
#ladawan #retrato #rudyramrumbaoa

[Nabulod ti ladawan a nausar]

TI NARAKRAK A SIMBAAN TI ROMANO KATOLIKO ITI BATAC, ILOCOS NORTE [NASAPA A MAIKA-20 A SIGLO]

TI NARAKRAK A SIMBAAN TI ROMANO KATOLIKO ITI BATAC,

ILOCOS NORTE [NASAPA A MAIKA-20 A SIGLO]

Retrato, N.39

[Koleksion Dagiti Nagkauna a Ladawan iti Siudad ti Laoag 

ken Probinsia iti Ilocos Norte]

DAGITOY a ladawan ti nangidukomento [dagiti rekord ti pakasaritaan] ti naperdi wenno narakrak a simbaan ti Romano Katoliko iti Batac, Ilocos Norte, no sadino a naalaan iti ladawan ti estado ti istraktura ti pannakarippuog bayat ti nasapa a panagsakup dagiti Amerikano iti Filipinas.  Dagiti nabatbati a bato a pader, ti torre ti pagkampanaan ken ti pasdek ti kombento iti abayna ti nangipaneknek ti piglat nga imbati ti panawen iti kinaadu a naglasatanna a pannubok, gingined, ken di pagkikinnawatan dagiti agtuturay---saksi iti eklesiastiko nga arkiteto ti panagsakup iti aktibo a sismologia a lugar.

Iti nakasurat a datos ti Protestant missionary photographers, iyanninaw dagiti ladawan no kasano a dagitoy marka ti direksion ti Katoliko ket masansan a sistematisado iti listaan ti pagidulinan iti retrato a saan ket a sentro ti panagrukbab ngem kas pakasaritaan ken arkitektura a pakalaglagipan iti panawen ti Espaniol. Itakderan ken ipalagip ti nabati a paset ti simbaan ti Batac iti naglabas ken panagbaliw ti espiritual ken politikal a ladawan a nangirepresentar ti napintas a buya iti Filipinas kalpasan ti panagturay dagiti Kastila.

.

.

.

.

.

TI NARAKRAK A SIMBAAN TI ROMANO KATOLIKO ITI BATAC,

ILOCOS NORTE [NASAPA A MAIKA-20 A SIGLO]

Retrato, N.39

[Koleksion Dagiti Nagkauna a Ladawan iti Siudad ti Laoag 

ken Probinsia iti Ilocos Norte]

Rudy Ram. Rumbaoa

wwwkoleksiondagitinagkaunaaldawan.blogspot.com

Source & Permanent Link:

Board of Missions of the Methodist Episcopal Church, Mission Photograph Album – Philippines #2, page 0014 (ca. 1900–1930)

General Commission on Archives and History (GCAH), Mission Albums Gallery

Disclaimer: This image is an original historical archival photograph. Any restorations, enhancements, or colorized versions are AI-assisted visual interpretations created solely for educational, documentary, and presentation purposes and do not replace the original archival record.

#herenciafilipinas #batac #romancatholicchurch #churchruins #philippinechurches #spanishcolonialph #earlyamericanperiod #missionarchieves #gcah #builtheritage #ecclesiasticalarchitecture #philippinehistory #culturalheritage koleksion #nagkauna #ladawan #retrato #siudadtilaoag #ilocosnorte #rudyramrumbaoa

 

Nostalgia: BANNATIRAN HOUSE Retrato, N.27 [Koleksion Dagiti Nagkauna a Ladawan iti Siudad ti Laoag]

Nostalgia: 

BANNATIRAN HOUSE

Retrato, N.27

[Koleksion Dagiti Nagkauna a Ladawan iti Siudad ti Laoag]

AWAN nadakamat a lokasion ti nasao a pasdek ti Bannatiran House iti ladawan, ngem ketdi, nagbalin a maysa laengen a lagip wenno iliw a nalaus kadagiti nalpasen a pasamak, pannakailiw iti tao a di nakitkita wenno lugar a pinanawan ken nalikudan ti panawen...

.

.

.

.

.

Nostalgia:

BANNATIRAN HOUSE

Retrato, N.27

[Koleksion Dagiti Nagkauna a Ladawan iti Siudad ti Laoag]

Rudy Ram. Rumbaoa

wwwkoleksiondagitinagkunaaldawan.blogspot.com

#nostalgia #bannatiranhouse #retrato #koleksion #lagip #iliw #nalpasen #lugar #pinanawan #nalikudan #siudadtilaoag #impormatibo #ladawan #artikulo #nagkauna #rudyramrumbaoa

[Nabulod ti ladawan a nausar]

Ammuen pay daytoy, ne: SANJERA ITI BARANGAY BARIT KEN SALET, SIUDAD TI LAOAG

SANJERA ITI BARANGAY BARIT KEN SALET, 

SIUDAD TI LAOAG

Retrato, N.38

[Koleksion Dagiti Nagkauna a Ladawan iti Siudad ti Laoag]

AMMOYO kadi nga adda maysa nga irigasion [wenno sanjera] iti banda

ti Barangay Barit ken Salet iti Siudad ti Laoag. Daytoy nasao a sanjera

ket adda tunnel-na, wenno pagdaliasatan nga adda iti uneg ti daga. 

Ti pagsiddaawan ditoy, tawen 1925 ti naikitikit a marka ti pannakaaramidna.

Ammoyo kadi daytoy pada a taga-Laoag ken Probinsia iti Ilocos Norte?

.

.

.

.

.

SANJERA ITI BARANGAY BARIT KEN SALET, 

SIUDAD TI LAOAG

Retrato, N.38

[Koleksion Dagiti Nagkauna a Ladawan iti Siudad ti Laoag]

Rudy Ram. Rumbaoa

wwwkoleksiondagitinagkaunaaladawan.blogspot.com

#sanjera #irigasion #1925 #barangaybarit #barangaysalet #tunnel

#laoagcity #ilocosnorte #ammuenpay #impormatibo #ladawan #impormasion

#koleksion #nagkauna